Мақсаты: Қазақ мемлекетінің бастауында болған Жошы ұлысы туралы оқушыларға мәлімет беріп, олардың білім көкжиегін кеңейту. Айтулы іс шараға, №3 жалпы білім беретін мектептің 9 сынып оқушылары қатысты. Кітапханашы А.Мұсылманбекқызы Жошы хан және ол құрған ұлыс-Алтын Орда жөнінде мағлұмат берді. «Ұлтын ұлы мұраттарға жетелеген тұлға» атты кітап көрмесімен оқушыларды таныстырды. Оқушылар сондай-ақ, қазақ кино өнерінің «Алтын қорына» енген Жошының өлімі туралы түсірілген «Ақсақ құлан» мультфильмін тамашалады. Іс-шара соңында оқушылар кітап көрмесіндегі әдебиеттермен танысып, Жошы хан туралы  білгендерімен  бөлісті.